【手術費/套餐價錢】比較香港6間私家醫院常見手術收費！（1月更新）
做手術前，想準確計算保險賠到幾多其實並唔容易，因為大部分私家醫院都將整項費用分為「醫生費」及「醫院費」。而且每間醫院對於呢兩項收費嘅定義都有少少唔同，唔代表埋單果陣淨係會收你「醫生費」及「醫院費」。
通常你要主動「請求」醫院仔細分開唔同費用，先對比到保單唔同項目嘅賠償額，再估計埋單要俾幾錢。
以聖保祿醫院為例︰
醫生費 = 麻醉師費、醫生手術費和巡房費等。
醫院費 = 入院服務、病房收費、手術室房租、使用儀器設備及相關物料費、護理程序、 診斷檢查、藥費、藥物注射費、治療及有關物料費、膳食及雜項收費等。
延伸閱讀︰【私家醫院收費比較】病房日租最平$120？最貴$45,000！(1月更新)
Bowtie 去咗聖保祿醫院、港怡醫院、嘉諾撒醫院、浸會醫院、聖德肋撒醫院及仁安醫院嘅官網，整理咗7項香港比較常見嘅手術收費俾大家參考一下︰
註︰點擊以上手術連結可直接查看價錢參考
大腸內窺鏡檢查 +/- 瘜肉切除術
註︰上述手術收費均為過往統計之中位數
「大腸內窺鏡檢查 + 瘜肉切除術」係其中一個比較常見嘅小型手術，收費介乎$11,932至$22,037，港怡醫院嘅「全包形式定額收費醫療套餐」更加仔細列明切幾多粒就收幾錢，日間手術費為$13,800*至$18,600*，住院手術收費為$18,900*至$20,800*。
嘉諾撒醫院 亦有提供手術套餐，住院收費介乎$10,320^至$10,960^。
*視乎數量及麻醉方式 ^視乎單項或多項
延伸閱讀︰【大腸癌】全面了解成因、症狀、存活率、治療方法及大腸鏡檢查！
胃鏡檢查 +/- 瘜肉切除術
註︰上述手術收費均為過往統計之中位數
「胃鏡檢查 + 瘜肉切除術」同腸鏡一樣都係比較簡單嘅手術，港怡醫院 嘅日間手術套餐收費為$13,000*至17,700*，而嘉諾撒醫院嘅住院套餐就最平，唔使$8,000。
*視乎數量及麻醉方式
白內障晶狀體乳化術 + 人工晶體植入（白內障手術）
註︰上述手術收費均為過往統計之中位數
白內障通常發生喺老人家身上，而「白內障晶狀體乳化術 + 人工晶體植入」嘅手術費Range都幾大，介乎$15,580至$40,520，分別在於「日間手術」或「住院手術」。
膽囊切除術
醫院 住院（腹腔鏡） 住院（開放式） 聖保祿醫院 $66,294 $103,650 港怡醫院 $74,905 沒有列明 嘉諾撒醫院 $71,735 $234,092 浸會醫院 $69,057 $115,641 聖德肋撒醫院（法國醫院） $66,857 $68,001 仁安醫院 $76,160 沒有列明
註︰上述手術收費均為過往統計之中位數
「膽囊切除術」係一個比較複雜嘅手術，一定要住院，所以整體收費都會比較貴，「腹腔鏡式」收費介乎$66,294至$76,160，而「開放式」通常會令住院時間延長，收費可高達$23萬。
至於港怡嘅「腹腔鏡式膽囊切除術」套餐就收$75,100至$81,440（視乎刀型），而「開放式」套餐就收$76,720。
膝關節內窺鏡檢查
註︰上述手術收費均為過往統計之中位數
「膝關節內窺鏡檢查」嘅住院手術價錢相差唔大，介乎$54,718至$60,542之間，港怡2019年嘅套餐就收$47,300。不過，聖保祿醫院同聖德肋撒醫院都有提供日間膝關節內窺鏡檢查 ，俾病人多一個選擇。
切開復位內固定術（骨折手術）
醫院 日間 住院 聖保祿醫院 $35,832 $78,825 港怡醫院 沒有提供 $69,344–76,917* 嘉諾撒醫院 沒有提供 $83,756 浸會醫院 $49,234 $73,476–76,834* 聖德肋撒醫院（法國醫院） $44,577–45,882* $74,621–83,377* 仁安醫院 沒有提供 $77,490
*視乎上肢或下肢
註︰上述手術收費均為過往統計之中位數
「切開復位內固定術」嘅手術費Range 都唔算大，最平同最貴都係相差萬幾蚊。值得一提，聖保祿醫院、浸會醫院及聖德肋撒醫院亦有提供日間切開復位內固定術（骨折），中位數收費為$35,832至$49,234。
延伸閱讀︰公立醫院手術排期隨時要等10年！
乳房腫塊切除術
*嘉諾撒醫院提供的手術中文名為乳房活組織取出術
註︰除了港怡醫院外，上述手術收費均為中位數
港怡醫院 按腫塊數量定出手術套餐價錢，其他醫院嘅日間手術價錢介乎$23,542至$35,164，而住院手術費則介乎$32,922至$108,952。
自願醫保手術名稱或有不同
手術 分類 外科醫生費保障限額 結腸鏡檢查，連瘜肉切除術 小型 $5,000 胃鏡檢查，連或不連瘜肉切除術 白內障超聲乳化手術連人工晶體植入 中型 $12,500 乳房腫瘤 / 腫塊切除術連或不連活體組織檢查 開放式或腹腔鏡式膽囊切除術 大型 $25,000 切開復位內固定術（骨折） 小型至複雜（視乎部位） $5,000–50,000 膝關節內窺鏡檢查 未有列明 未有列明
資料來源︰食物及衛生局
自願醫保認可產品保單範本將幾百種手術分為4類︰小型、中型、大型及複雜，外科醫生費保障限額分別為$5,000、$12,500、$25,000及$50,000。
值得留意嘅係個表將「食道胃十二指腸內窺鏡檢查，連或不連活體組織檢查及 / 或瘜肉切除術」列為「小型」，相信「胃鏡檢查 + 瘜肉切除術」亦會被分類為「小型」手術。
延伸閱讀︰【自願醫保懶人包】一文睇晒VHIS有咩手術及住院保障！
自願醫保Claim到幾多手術費？
咁多間醫院之中，仁安醫院將手術收費分得最細，當中包括︰「手術室費」、「醫生費」、「麻醉科醫生費」及「醫院費」，而「醫生費」則包埋「處理手術程序之醫生費」+「醫生巡房費」。
如果喺仁安醫院做一個腹腔鏡內膽囊切除術，需要住院3.5日︰
費用（中位數） 自願醫保保障限額 須付費用 處理手術程序之醫生費* $25,000 $25,000 $0 醫生巡房費* $6,190 $2,250（3日） $3,940 手術室費 $17,800 $8,750 $9,050 麻醉科醫生費 $8,500 $8,750^ $0
*假設仁安醫院將處理手術程序之醫生費定為$25,000，醫生巡房費為$6,190。
^只賠償實報實銷之$8,500費用
如果以上述假設計算，買咗自願醫保標準計劃（Standard Plan）嘅話，只需自費$12,990，即係最多Claim到近8成。
留意費用更新日期
由於政府冇硬性規定私家醫院提供手術收費，所以有啲醫院只會列出過去統計數字，俾公眾參考。留意返，大部分醫院提供嘅都係2017年嘅收費，因為每年都有醫療通脹，統計數字未必反映現時費用。
相反，港怡醫院 提供嘅係2019年1月嘅套餐收費，相對會較為準確。講到尾，想準確預算手術收費，始終都要問返醫院拎返份詳細收費列表。
相關文章︰【自願醫保計劃】VHIS產品保障、保費、扣稅、轉保全攻略！
相關文章︰【自願醫保扣稅攻略】想知慳到幾多稅？報稅前必睇5大重點！
*本文章內容由Bowtie團隊提供並只供參考，Bowtie對任何人因使用或誤用任何信息或內容，或對其依賴而造成的任何損失或損害，不承擔任何責任。
Originally published at www.bowtie.com.hk on January 21, 2019.
